Euskal SEO

Tokian Tokiko Heroiak

2011-10-28T09:56:00.000-07:00

Bidaian zoazenean niri bezala tokian tokiko jendea ezagutzea gogoko baduzu, gogoko izango duzu, NomadersekoTokian Tokiko Heroien figura.

Tokian Tokiko Heroiak, bere herria bidaiariei biziarazteko proposamenak egiten dituzten pertsonak dira. Honela bidaiariek, bertakoarentzako egunerokoak diren baina kanpotik doazenentzako ezagutzea zail izango liratekeen gauzak aurkitzeko aukera emanez.

Bideo bat ere badago ideia zein den azaltzeko:

Tokian Tokiko heroi bakoitzak proposamen bat egiten duenean, bidaiariarengatik zer bilatzen duen idazten du, honela badaki berarekin harremanetan jarriko den bidaiariarekin konexio bat izango duela.

Nik jarri dut jadanik nire proposamena, beraz frotenisean jolastu, patinetan ezagutu nahi baduzue Mungiako ingurua edo kostaldeko kobazulo bitxi bat ezagutu nahi baduzue, badakizue nola jarri nirekin harremanetan ;)

Eguneraketa:
Webgunea ingelesez eta gaztelaniaz dagoen arren, gogokoen duzun hizkuntzan bidali dezakezu zure proposamena, eta dagoeneko badaude proposamenak italieraz eta portugaleraz... baina proposamena euskaraz bidaltzen duen lehena nor den oraindik ikusteko dago! ;)

Gainera, hizkuntzei zuzenduta dagoen atal bat sortu da eta bertan hizkuntza berriak ikasi eta praktikatzeko aukerak emango dizkizuten proposamenak aurkituko dituzu.

SEO eta Bilbao Web Congress 2011

2011-09-06T02:56:00.000-07:00

Bilboko Web Congressean izango dela ikusi dut. Nik, ez dut joateko aukera galduko eta zuei ere etortzera gonbidatu nahi zaituztet hainbat hitzaldi interesgarri izango direla dirudielako.

Irailaren 29 eta 30an Zamudioko Teknologi Parkean SEO gaiez asko dakien lagun on bat arituko da hizketan. Alfonso Mourekin batera lan egiteko aukera izan nuen zenbait hilabetez eta SEO aparta dela esan dezaket.

Tailerren programak jada jaitsi ditzakezue:

Eta zozketa honetan parte hartzen baduzue tailer baterako sarrera dohainik irabazi dezakezue.

Zorte on guztioi!

Euskal SEO, Blogger eta Google+

2011-07-11T09:56:00.000-07:00

Ba heldu da, heldu behar zen eguna... kostata, eta hainbat saio egin ondoren Googlek arrakaztazko bere medio soziala sortzea lortu du Facebook lortzen ari zen garrantziari aurre egiteko.

Google+ erabiltzen hasi garen gehiengoa, ordu galanta sartzen ari gara, Facebook eta Twitter eta baita blogari kenduta. Eta kontua da informazioa trukatzeko medio oso erosoa dela Google+.

Orain, ez du zentzurik blogspotek eskeintzen duenarekin konformatzea Google+ek eskeintzen duena askoz gehiago delako.

Beraz oraindik aurrera irakurri nahi banauzue, hobe nire Google+ helbide honetan egiten baduzue gehiago idazten dudalako.

Screaming Frog: On Page SEO analisiak egiteko tresna

2011-02-18T09:30:00.000-08:00

SEO lanak egiten dituzuenok agian ezagutuko duzue Screaming Frog (Windows) edo antzeko tresnaren bat web guneen SEO analisiak egiteko laguntza bezela.

Erabiltzen dudana 500 orri arakatzen dituen dohainezko bertsioa den arren oso erosoa iruditzen zait.

Ebizi - Euskal webguneen rankina

2011-01-12T16:09:00.000-08:00

Bilbora, Maite Goñik Bilbaoandtweets topaketan Irakaskuntzari buruz eman duen hitzaldia entzutera nindoala kotxean Bizkaia Irratian entzun dut euskal webguneen ranking bat eskeintzen duen ebizi webgunea sortu dutelaren berria.

Page rank, Alexa eta erabiltzaileen bozketak kontutan hartuz egiten du ebizik zerrendaketa, eta aurkibide bezela erabilgarri gerta daiteke.

PD: Maiteren hitzaldia beti bezela sekulakoa izan da, ez ezazue bere hitzaldirik entzuteko aukerarik galdu!

Euskaraz ageri Google web bilatzailean

2010-10-04T09:05:00.000-07:00

Badirudi Enpresa Digitalako norbait ez zela ohartu hau izan zela Google Realtimek euskara bereizten zuelaren berri eman zuen lehen bloga... baina ez du ardurarik nork deskubritu zuen, azken finean jendeak albiste honen berri izatea da garrantzitsuena :)

Ba bueno, hona hemen orain arte beste inon irakurri ez dudan albiste bat: bilaketa aurreratuaren aukeren artean agertzen ez den arren Google web bilatzaileak ere euskara bereizten du.

Nola?

NOLA AURKITU GOOGLEN EUSKARAZ DAGOEN EDUKIA:
Google euskaraz erabili dezakezu esaten dudana egia dela ikusteko

NOLA EGITEN DU GOOGLEK EUSKARAZ DAGOEN EDUKIA BEREIZTEKO:
Aurretik web orriko hizkuntza euskara dela zehaztu behar izan du web gunearen garatzaileak: html lang="eu" definituz.

Hona hemen Google web bilatzailea euskara bereizteko gai dela frogatzen duten bi adibide:

http://www.google.com/#hl=eu&q=ageri
http://www.google.com/#hl=es&q=ageri

http://www.google.com/#hl=eu&q=sustatu
http://www.google.com/#hl=es&q=sustatu

Egia da erdaraz dauden emaitzak ikus daitezkeela tartean, baina hori beste SEO kontu batzuengatik da.

Googlek euskara bereizten du!

2010-09-14T14:24:00.000-07:00

Hau bai dela berri ona! blog honetan eman dudan onena duda gabe: Googlek euskara bereizten du! zergatik diodan hau? Nomaders bidai agentziaren webgunean SEO lanetan ematen ditut ia lan ordu guztiak eta gaur "Gaurkopenak" (ez dakit nork itzuli duen "Updates" horrela o_O , nik "Eguneraketak" esango nuke) aztertzean Googlek Nomaders Euskaraz bilatzean

eta Nomaders Gaztelaniaz bilatzean

emaitza bereiztuak ematen zituela ikusi dut!

Ez al da zoragarria? ni pozez gainezka nago!

Orain, bakarrik falta zaigu Googlen euskarazko blog ofizial bat :) gutxienez, esaten ari naizena egia dela ziurtatzeko. :)

Community Manager ikastaroa eta Streaming

2010-06-01T00:47:00.000-07:00

Zamudion ematen ari naizen Community Manager hastapen ikastaroa streaming bidez nola zabaldu azaltzeko adibide bat da.

Helburua, ikastaroan jazotakoa zuzenean eta edozein momentu zein webgunetan jarraitu ahal izateko aukera ematea zein erraza izan daitekeen frogatzea da.

Nonick, ingelesa, gaztelania, txinatarra, euskara eta Google

2010-05-16T10:08:00.000-07:00

Oso ondo pasatu dut 2010eko Nonicken. "On-line Communities" izan da aurtengo gaia eta aurkezpen guztiak ingelesez izan direnez, hizlari batzuen ingelesa besteena baino hobeto ulertu dut eta beraz gauza interesgarri asko ulertu gabe geratu nintzelako sentsazio apur batekin lotu naiz. Kirsten Wagenaar ulertu nuen ondo, bai ingelesez argi hitzegiten zuelako bai esan zituen gauzak argi azaldu zituelako. Baina azken asteburuan Yorkshiren ingelesez hitzegiteko izan ditudan arazoak eta oraingo honetan izan ditudanak ikusi ondoren, gehiago praktikatu behar dudala argi geratu zait. Hori bai, Nonick 2020ko hizlarien aurkezpenak ulertzeko, txinatarra ikasten hasi beharko naizen galdetzen naiz, nork daki... hizkuntza horrek gero eta garrantzi handiagoa du eta izango du interneten!

Xabier Uribe-Etxebarriak "Web Hobekuntza"ri buruz emandako tailerra aldiz, gaztelaniaz izan zen, eta eskerrak! oso interesgarria iruditu zitzaidalako esandakoa eta ingelesez azaldu izan balu ez dakit askorik ulertu izango banu. Xabierrek kontzeptuetan pentsazen ikasi du, nik aldiz, hartutako oharrak ikusita (

Asistente virtual (5ºgeneración)
Sistemas conversacionales
Metalingua
EMMA
Linked Data
RDF
TED
de palabras a conceptos
herramientas web self service
triplas: sujeto predicado verbo
sparql

), bilatzaileetan pentsatzean oraindik hitz gakoetan pentsatzen dudala ikusi ahal izan dut... eta agian aldatzen hasi, eta oraindik aurrera kontzeptuetan ere pentsatu beharko dudala uste dut...(orain zihur nago).

Jose Antonio del Moralen tailerrean egon nitzen baita ere. "Facebook zergatik ez den erabili behar" zen tailerraren izenburua, ingelesez hau ere, gaztelania ulertzen ez zuten batzuk zeudelako, baina nahiko ondo ulertu ahal izan nuen dena eta Facebook ez erabiltzeko arrazoi eztabaidaezina esan gabe geratu zen: norberaren domeinua erregistratzea, hosting bat kontratazea eta WordPress instalatzea,Facebooken erregistratzea baino askoz hobea da ! baina ni ez nintzen bertan azaltzera ausartu, ingelesez defendatzeko zailtasun gehiegi izango nituela uste nuelako :(

Kafe Antzokiko afaria ere primeran egon zen eta ez dut ahaztuko bertan jakin nuela Teketeni esker euskara Google Translaten Alpha moduan sartu berri zutela eta asteburuan entzun dudan berririk onena izan da dudarik gabe! Ea hurrengo berria Googleko Bilaketa Aurreratua atalean aukeratu daitezkeen hizkuntzen artean euskara agertzen dela den...

Ez Google, ez domeinu ezta lehendakari euskaldunik ez

2010-05-06T02:16:00.000-07:00

Denbora asko pasa da blog honetan idatzi nuen azken alditik eta abandonaturik geratzeko zorian ikusten nuen eman nahi nituen bi berriak inoiz bizi ahal izango ditudan, dudatan dudalako orain:

1. Urte bat baino gehiago pasa da Google Euskaraz aurkeztu zenetik eta bi urteko kontratua izanik, ez dakit zertan gastatu den EITB eta Eusko Jaurlaritzak jarritako dirua oraindik ez bait dago Googlen euskaraz sailkatutako emaitzen orririk.

2. .eus domeinua lortzeko pare bat urte itxaron beharko genituela ustetik orain projektua noraezean dabilela baino ez dakit.

Lehendakariak gauza hauei, behar zaien arreta eta bultzada eman beharko ziela uste dut, baina Patxi Lopezi euskarazko klaseetara "pira" egiteak barrea eragiten badio zer espero dezaket horrelako ordezkari batez?

Ez dakit honela nik bakarrik edo oso jende gutxik pentsatuko duen baina Google euskaraz, lehendakariak euskara ikas dezan eta .eus lortzearen alde manifestatuko nintzateke gaur bertan.

Google Euskaraz 2010 baino lehen

2009-11-19T02:35:00.000-08:00

Google, 2009 urte bukaera baino lehen euskaraz dauden edukiak bilatzeko gai izango dela esan zuten ETB1n Apirilaren 3an. Entzun 1:05 segunduan esaten dena:

Orduan, pozez baina hainbat kexkekin hartu nuen Google euskaraz aurkezpena eta Patxirenarekin gertatu zen antzera, oraingoan ere beste gezur baten aurrean izango garela ematen dit :(

ea oker nagoen, gabonetan jakingo da hori... eta egia esan olentzero opari izugarria izango litzateke :)

Google Caffeine = Google 2010 = Google

2009-11-10T11:27:00.000-08:00

Hilabete pare bat barru, gabonen ondoren Googlek algoritmo berri bat erabiliko du bere emaitzak sailkatzeko. SEO lanetan gabiltzanoi eragingo digu aldaketak, batzuei posizio hobeak lortuz eta besteek sailkapenean behera eginez.

Orain arte, Caffeine izena duen Googlen algoritmo berria, froga moduan erabili ahal izan da helbide hontan http://www2.sandbox.google.com/, baina gaur orri hori kendu eta 2010ean gabonen ondoren Google biltzailean zuzenean aplikatuko delaren berri eman du Matt Cuttsek (Googlen SEO komunikazio arduraduna).

Orain arte frogetan ikusi nituen emaitzen arabera, nire webguneen posizio aldaketak ez dira handiak izango, bilaketa batzuetan igo eta beste batzuetan jaitsi egingo direla ikusi ahal izan dut.

Datozen 2 hilabeteetan gauza asko ez aldatzea espero dut, orain arte ez bait zait gaizki joan... :)

1. Getxo Blog Topaketa

2009-10-23T04:22:00.000-07:00

Datorren urriaren 31n Getxoko blogari Topaketa bat antolatu da. Blogariak aurrez aurre ezagutzeko ondo daude honelako topaketak, baita SEO aldetik, loturak lortzeko modu ona izan daitekelako konfiantza gehiago ematen duelako blogariarekin berarekin elkarrizketa bat izateak, ingelesez "networking" deritzotena.

Ni Mungiakoa naizenez, eta Mungia Getxokoa ez denez, Mungialdean antzeko topaketak antolatzeko modua posible egiteko aukerak ikusi nahi ditut.

Ez da derrigorrez Getxokoa izan behar topaketa honetara joateko, gertukoa izatea nahikoa da eta blogari euskalduna izatea gertutasun nahikoa da :)

Twitter SEO: Bing eta Googlen agertzeko

2009-10-22T02:02:00.000-07:00

Bagenekien ordua helduko zela, eta hilabete batzuk aurrerago Firefoxen Google eta Twitterren emaitzak batera nola agertzen diren ikusteko modua frogatzen hasi nintzen. Egia esan, oso mesedegarria da zenbait kasutan Twitterreko edukiak Googleko SERPetan izatea eta ulertzekoa da Googlek eta Bingek Twitterrekin orain sinatu berri duten akordioa.

Googlen azaltzeko bide berri bat ematen du aukera honek, horregatik Googlen posizionamendu egoki bat izan nahi duenak, Twitterren ere SEO teknikak aplikatu beharko ditu, azken orduko edukiak sortzeko orduan.

Mementuko bilatzaileak

2009-09-02T03:13:00.000-07:00

Arina da Google bilatzailea emaitzak aurkezteko orduan, hori izan zen gaur egun duen hedapena lortzeko arrazoietako bat. Orain aldiz, badaude http://www.istartedsomething.com/livesearch/ bezelako bilatzaile arinagoak eta SEO mundua ankaz gora jar dezaketela ematen dit, batez ere buztan luzeko bilaketetan.

Hona hemen adibide bat: demagun Frantziako Tourraren 2009ko sailkapena zein izan zen jakin nahi dudala. Googlen "clasificación tour francia 2009" bilatuko nuke eta emaitza lortuko nuke.

Baina bilatzaile mota honekin, "clasificación tour" idatzi orduko emaitza egokia dudala ikusten dut, eta emaitzak ez dira "clasificación tour francia 2009" bilaketak erakutsiko zizkidanak.

Patxi Lopez gezurtia eta SEO

2009-08-26T08:08:00.000-07:00

Patxi Lopez es un mentiroso. Frogapena, hurrengo gunean irakurri daiteke gaztelaniaz.

Hasierako gaztelaniazko esaldi honen helburua, Googlen hitz hori bilatzean lehen postuan patxilopez.com agertaraztea da. Ez naiz ni ekimen hau bultzatzen ari den bakarra eta denon artean helburua lortzea espero dut. Argazki eta guzti:

Ea denon artean lortzen dugun, Pinotxoren aurretik agertzea.

YouTube, bideoak, URLak eta SEO

2009-07-28T09:14:00.000-07:00

SEO mailan eragina izango duen berrikuntza batez ohartu naiz gaur Twitter bidez:

Tip: Link directly to a specific point a video by adding #t=1m15s (or whatever time you want) to end of video URL.

Kontua da orain posible dela YouTubeko bideo bateko momentu zehatzetara estekak jartzea. Baina ez da posible momentu zehatz horretatik hasten den bideo zure webgunean sartzea.

Beraz, hurrengo kasua gertatzen hasiko dela ematen dit:

Nire webgunean jarri dudan YouTubeko bideoa ikusten dutenek, estekak nire webgunera jarri beharrean YouTubeko bideoaren URLra estekak jartzen hasiko direla, komentatu nahi duten momentu zehatzera zuzendu ahal izango dutelako. Ala ere, ideia ona iruditzen zait gutxienez YouTuben bideoen momentu zehatzetara estekak jarri ahal izatea.

Twitter eta Google

2009-07-02T05:09:00.001-07:00

Ideia ona dela iruditzen zait eta erabiltzen hasi naiz Twitterreko azken emaitzak Googlen erakusten dituen gehigarria.

Ez dakit luzaroan mantenduko dudan horrela baina oraingoz oso gustokoa dut!

Zuek ere frogatu nahi baduzue:

1. Instalatu Greasemonkey add-on for Firefox (Oraindik ez baduzue)

2. eta gero sakatu hemen.

SEO eta HTML 5

2009-06-16T09:47:00.000-07:00

Googlen algoritmoa etengabe aldatzen ari dela dakigu eta posizionamendu aldaketa txikiek SEO dependentzia handia duten web guneetan eragin handia izan dezaketenez garrantzitsua da SEO egokitze lanak gaur eta etorkizunari begira egitea.

HTML 5 oraindik zabaldu ez den arren, azken aldian aurrera pausu handiak ematen ari dela dirudi eta urte pare bat barru Google bezelako bilatzaileak ezaugarri berri hauetan oinarrituz, informazioa sailkatzen saituko direnez, komeni da gaurtik etorkizunean eragina izan dezaketen osagaiak modu egokian antolatzea.

SEO lanetan, egun batetik besterako emaitzak eskatzea ezinezkoa bada ere, 2 urtera begira egitea ere luzeegi jotzea da horregatik garrantzitsua da baliabideen araberako oreka aurkitzea.

SEO, Aipuak eta Bloglanak

2009-05-26T09:27:00.000-07:00

"Asko idatzi da blogen inguruan eta batzuek komunikatzeko tresna honen heriotza ere iragarri dute..." Argi dago blogak ez direla hil, inoiz baino blog kopuru gehiago bait dago. Teketenen Social Blogworks (Bloglan Sozialak) bloglanari hasiera ematen dion esaldia da.

2006ko ekainean Larrabetzuko Blogs & Beers 3.0an entzun nuen Gorka Julio (Teketen) gauza hauei buruzko azalpen bat ematen eta dagoeneko nik blog banuen ere benetan interesgarria iruditu zitzaidan. (Ala ere, nirekin joandako lagun batek ez zuen ezer ulertu edo ez zion entzundakoari erabilpenik ikusi o_O :))

Egun hartan "trackback" zer zen galdetu nion Gorkari, ez nuen azalpena ondo ulertu, baina blogarekin jarraitzen banuen laister ulertuko nuela erantzun zidan eta horrela izan zen. Orain, bloglan honetan zehatz mehatz azaltzen du Trackback edo Aipua zer den. :)

Trackback protokoloa onartzeak beste blogetatik estekak jartzera gonbidatzen du, beraz ez dago zalantzarik SEO egokitze garrantzitsu bat dela. Ala ere, blog honek ez ditu oraindik Aipuak onartzen Bloggerek (blogspot.com) oraindik ez duelako trackback protokoloa onartzen. :(

Googlentzako kode zati aberatsak

2009-05-20T05:27:00.000-07:00

Google Rich Snippets (emaitzen azal berri bat) erakusten hasi da bere ingelesko bilatzailean mikroformatuetan oinarrituz eta laister beste hizkuntzatan ere ezaugarri berberak izango ditu. Mikroformatuak aspalditik ezagunak diren arren, SEO lanetan ez zaie orain arte behar bezelako garrantzia eman Googlen posizionamendu hobea lortzeko eragin gutxi zutelako.

Iritsi da garaia, orain web gunea Googlen Rich Snippetetarako egokitzen ez duenak beranduago egin beharko du, atera kontuak.

Twitter SEO eta SEM

2009-04-25T07:45:00.000-07:00

Bukatu da Nonick 2009 eta pozik irten naiz!

1. Multiboxean Wifia zebilen! eta oraingoan bai XXI. mendeko aurkezpenak bizi ahal izan ditugu. Zorionak EITB! :)

2. Gainera, internet bidez irakurtzeaz bakarrik ezagutzen nituen Enrique Aguilera (Panda Softwareko SEO) eta Raquel Francorekin (EITBko SEO) hitzegiteko aukera izan dut pintxo goxo bat jaten nuen bitartean :)

3. Blog hau jarraitzen duzuenok jakingo duzuenez, beti izan naiz Telendroren mireslea, nahiz eta nor zen ez nekien, gaur bere benetako izen abizenak zeintzuk diren esan didate! suposatzen nuen berau izan zitekeela baina inoiz ez nuen zihurtasunik izan. Googleko profilean "something I can't find in Google" atalean "Telendro's real name" jarrita nuen gaur arte :)

Eta azkena eta garrantzitsuena:

4. Twitter Search izan da gehien erabili dudan bilatzailea. Eta erabiltzerakoan Twitterren SEO egiteko posibilitateak (Googlen posizionatzeko teknikak oso ezberdinak diren arren) frogatu ahal izan ditut :) eta nire ustez honek esan nahi du, etorkizunean Twitterren ere Google AdWords estiloko iragarkiak jartzea errentagarria izango dela!

NoNick Conference 2009 Bilbao

2009-04-23T02:31:00.000-07:00

Nik dut Nick eta NoNick... Nick, modan dagoen hitza dela dirudi. Nonick honek aldiz, benetako izena zabaltzera gonbidatzen duela dirudi.

Euskal SEO (Egoiz Goikoetxea) da nire nicketako bat, SEO gaiez euskaraz hitzegiteko erabiltzen dudana.

Teketeni (Gorka Julio) esker (twitter eta blog bidez), bihar NoNick Conferencen entzulari bezela egongo naiz debalde.

Hizlarietako bat nire "jefea" izandakoa da: Ithinksearch (Nuño Valenzuela), gizon bitxia eta SEO munduan sakon murgildua.

Google eta euskara

2009-04-17T04:48:00.000-07:00

Google Euskaraz? (galdera markarekin) izena jarri diote irratia.comen 144. saioari, Apirilaren 3an Eitb, Eusko Jaurlaritza eta Googlen arteko akordioren aurkezpenaz aritzeko. Neu izan nintzen hizlari, akordioan parte hartu zutenek elkarrizketa euskaraz egiteko aukerarik ematen ez zietelako irratia.comeko aurkezlei.

Googlen "Google Euskaraz" aurkezpena gaztelaniaz izan zen, eta badirudi Googlen ez dakiela inork euskaraz.

Ez al duzue uste zuek, Googlek "Google euskaraz" izango dela esaten badu Googlen euskaraz aritzen den norbait egon beharko litzatekeela?

Kontuz ibiliko beharko litzateke Google honelako titularrak daramatzaten aurkezpenatara doanean, gero, esandakoa betetzea eskatuko zaielako.

SEM vs SMM 2008 - 2013

2009-04-08T09:40:00.000-07:00

Beheko grafiko honek, 2013 urterako Ipar Amerikako Estatu Batuetan estimatzen den SEM (Search Engine Marketing) inbertsioa erakusten du, ez dut uste inbertsioa horren handia izango denik.

Aldiz beste grafiko honetako estatistikak, munduko SMM (Social Media Marketing) inbertsioei buruzko estimazioa erakusten du. 5 urtetan SMM inbetsioak grafiko honetan esaten den zenbatekoa baino handiagoa izango dela uste dut nik...

Estimazioak batzuetan ez dira oso fidagarriak, 2013an ikusiko dut arrazoia nuen ala ez... :)

Google Enterprise EITB eta Eusko Jaurlaritzan

2009-04-03T04:25:00.000-07:00

Banaiz EITBko multiboxetik bueltan. Ez zait multiboxa batere gustatu (pasa den mendekoa dirudi), ez dute WIFI konekzio publikorik eskeintzen.

Eusko Jaurlaritzako eta EITBko dokumentuak modu eraginkorrago batean aurkitzen hasiko dira Google Enterprise kontratatu dutelako. Googlen euskarazko dokumentu gehiago aurkitzeko aukera ekarriko omen du honek.

Bestalde, administrazio publikoak zerbitzu hau kontratatu duenez, Googlen oinarritutako zerbitzuak eskeintzen hasiko dira googlemail.com edo gmail.com domeinuak erabili beharrean beste domeinu bat erabiliz: euskadi.net adibibez

Zerbait gehiago espero nuen, Googlen euskarazko zerbitzu gehiago euskaraz: tokiko enpresentzako gunea, euskarazko blog ofizialen bat edo...

Microsofti euskara bultzatzeagatik eman dioten azken sariak, hurrengo irabazle zein izango duen zihur nago: Google.

Negozio ona egin dutela dirudi Google eta iexpressivekoek, baina ea benetako ekarpenik dakarkigun euskal SEO munduan gabiltzanoi...

Google euskal dokumentuak bereizten hasiko da

2009-04-02T08:15:00.000-07:00

Google euskaraz dagoen informazioa bilatzen hasteko eguna heldu dela dirudi:

Euskarazko dokumentuen, bideoen eta soinu artxiboen kalitatezko bilaketak egin ahal izango dira Eusko Jaurlaritzak, EITB Taldeak, Googlek eta Espressive SL enpresak sinatutako akordioari esker.

Ostiral honetan, apirilak 3, goizeko 11:00etan, EITBren Bilboko egoitzako Multibox aretoan, Google euskaraz akordioaren aurkezpen ekitaldia izango da. Hitzarmen honi esker, aurrerantzean euskarazko dokumentuen, bideoen eta soinu artxiboen kalitatezko bilaketak egin ahal izango dira.

Ekitaldiko parte-hartzaileak Patxi Baztarrika Eusko Jaurlaritzako Hizkuntza Politikarako sailburuordea, Juan Diego EITBko Estrategia eta Interneteko zuzendaria eta Carlos Gracia Google Enterprise Iberiako zuzendari nagusia eta Miguel de Reina Espressiveko zuzendari komertziala eta Googleko zuzendari komertzial ohia izango dira.

Internet euskaraz darabilten erabiltzaileak izango dira hitzarmen honen onuradun nagusiak. Hemendik aurrera, euskarazko edukiak topatzeko kalitate handiko bilaketak ahalbidetuko ditu Googlek. Gainera, posta elektronikoa eta bulegotik aplikazioak ere euskaraz erabiliko dituzte enpresek.

EITBko web gunetik hartutako testua

Ez naiz multiboxean sekula egon, baina joateko asmoa daukat, gai honi buruzko zerbait gehiago jakiteko helburuarekin. Informazio gehiagorik ikusi ez dudanez, debalde eta baimen berezirik gabe sartu ahal izatea espero dut. Kontako dizuet...

Euskal WordPress komunitatea

2009-03-02T08:25:00.000-08:00

Euskal SEO blogan ez dut WordPress erabiltzen, Blogger Googlen blog kudeaketa sistema da erabiltzen dudana eta ez du euskaraz erabiltzeko aukerarik ematen.

Horrela hasi nintzen eta mantendu egin dut blog hau http://euskal-seo.blogspot.com-en. Ala ere, sortu ditudan beste blogak Guca, Egocast WordPress erabiliz sortu ditut edukiak kudeatzeko errestasun pila eskaintzen dituelako eta SEO mailan egokitzeko erreztasun asko daudelako.

Orain Euskal WordPress Komunitatea sortzen hasi gara. Ni ere parte hartzekoa naiz eta euskaltzale eta WordPress zale itsua naizenez... AGERI euskaraz sortu berri dut ere.

Internet eta hedabide berriak interesatzen bazaizkizu Basque WodCamp hau ezagutzea komeniko zaizu.

EGA

2009-02-17T04:15:00.000-08:00

EGA ez da SEO teknika bat, ez. EGA, Eusko Jaurlaritzak euskaldunoi administrazioan lan egin aurretik jartzen digun oztopo bat da.

Orain dela gutxi oztopo hori leuntzeko EGA - 2007 - 2008 AZTERKETAK prestatzeko web gune bat sortu dute, baina Eusko Jaurlaritzak hori EGA gainditzeko erreztasunak jartzea dela ikusirik, debekatu egin dio debalde publikatu nahi zuen lagunari.

Eskerrak Googlek ez duen EGA eskatzen webgune bat hobeto posizionatzeko... bestela akabo! web gune honetan idazten duenak ez bait du EGAko 2.atala sekula gainditu oraindik :( (sinonimo madarikatuak)

Meta Canonical

2009-02-16T04:48:00.000-08:00

Eduki bikoiztua beti izan da arazo bat bilatzaileentzat, web gune bateko orri nagusiak zeintzuk diren bereiztea zaila egiten zaielako. URL hauek berdinak dira:

www.adibidea.com
adibidea.com
www.adibidea.com/
adibidea.com/
www.adibidea.com/index.html
adibidea.com/index.html
www.adibidea.com/index.php
adibidea.com/index.php

Nola konpondu eduki bikoiztuen jakinarazteak?

. URLak normalizatu: zure CMSa, zuk nahi dituzun URLak sortzeko egokitu.
. Googlen Webmasterrentzako tresnekin www. edo ez www. zehaztu
. Sitemap baten bidez URL nagusiak bidali
. Nagusi ez diren URLak 301 berrelbideratzeen bidez zehaztu
. URL nagusi bat aukeratu eta zihurtatu webgunean beti URL berbera lotzen duzula.

Eduki bikoiztu zailen jakinarazteak
. Batzutan ezinezkoa da 301 berrelbideratzea egitea
. Ezin aldatu jendeak gure webgunea lotzeko erabiltzen dituen moduak
. Maiuskula eta minuskulak erabili izana
. Sesioen IDak
. "Landing" orriak
. Ordenak
. Breadcrumb-ak

Eduki bikoiztu mota guzti hauek ondo sailkatu ahal izateko, Google, Microsoft eta Yahoo adoz jarri dira eta aukera berria sortu dute meta canonical izenekoa: Canonical orri maila jartzen den meta esteka bat da.

Adibidez orri honi:

http://www.adibidea.com/seo.html?sid=asdf314159265

Kode hau dagokio, meta canonical erabiliz:

link rel="canonical" value="http://adibidea.com/seo.html"

Meta canonical erabiltzea gomendio bat da eta bilatzaileek erabikitzen dute kasurik egin edo ez.

W3OPTIMIZER

2009-02-09T08:35:00.000-08:00

Batzuetan sekulako debaldeko SEO tresnak aurki daitezke interneten, batzuetan ordainduzkoak baino hobeak, eta W3Optimizer da horietako bat.

Web orri bateko SEO akatzak modu sinple eta arinean aurkitzeko balio du. CSS edo XHTML estandarrak baliotzeko erabiltzen diren antzekoa.

Egia da W3Optimizerrek ematen dituen faktoreak baino gehiago hartu behar direla web posizionamendu natural on bat lortzeko, baina tresna honek aurkitzen dituen akatzak ere kontutan hartzekoak dira.

.Eus

2009-02-02T03:26:00.000-08:00

Orain dela ia 3 urte hasi zen egitasmoa eta blog honetatik beti bultzatu dut ekimena. Orain, badirudi Puntueus.org elkartetik gauzak ondo egiten hasi direla eta .eus domeinua lortu ahal izateko lehenengo urratsak ematen dira. Dagoeneko atxikimendu kopuru handia lortu dute bere webgunean eta erritmo honetan jarraituz, gutxiengo lortuko dela uste dut (9660 atxikimendu lehen 3 egunetan).

Ala ere, hauteskundeak hurbil daudela ikusirik, alderdi politikoen buruek beren atxikimendua eman duten edo ez nire jakinmina asetzeko, zerrendan bilatu eta Aralargo Aintzane Ezenarro atxikitu den bakarra dela ikusi ahal izan dut. Ez Ibarretxe, ez Lopez, ez Ziarreta, ez Basagoiti, ez Madrazo...

zortzi@2008 bozkatzeko azken orduak

2009-01-31T07:57:00.000-08:00

Ordu gutxi falta direnean, honela dago Zortzi@2008 sailkapena:

* sareblog.com (39%, 131 bozka)
* txintxarriMEDIA (34%, 113 bozka)
* kazeta.info (14%, 48 bozka)
* Facebook euskaratua (13%, 44 bozka)
* argazkiak.org (12%, 41 bozka)
* Arraytxiki Web Laborategia (11%, 38 bozka)
* tagzania.com berria (11%, 36 bozka)
* berria.info berria (9%, 29 bozka)
* basquecamp (8%, 28 bozka)
* softwarelibrea.org (8%, 27 bozka)
* argia.com berria (8%, 26 bozka)
* manterola.org/azpitituluak (7%, 22 bozka)
* zerberri.com (7%, 22 bozka)
* iragarkilaburrak.com (5%, 18 bozka)
* Hamaika TB (5%, 18 bozka)
* publikatu.com (4%, 15 bozka)
* erdaratu.eu (4%, 14 bozka)
* Azpidazki (3%, 10 bozka)
* erosi.eu (2%, 8 bozka)
* Ibaizabal TB (2%, 7 bozka)

Oraindik ez baduzu bozkatu, zeren zain zaude? bozkatu Zortzi@2008

Euskal Herriko populazioari buruzko datuak

2009-01-27T08:41:00.000-08:00

Atlasa-k Euskal Herriko datuak eskuratzeko modua errazten du. SEM proiektu bat hasten denean, "targeta" zenbat eta hobekien zehaztea komeni da. Horretarako, lurraldeen datu demografikoak kontuan izan behar dira ekintzen bideragarritasun egokiena zein izan daitekeen hantzemateko.

Atzotik, Twitterren sartuagoa nabil, eta bertan http://twitter.com/agirregabiria-ren harian, deskubritu dut mesedegarria izango zaidan tresna hau.

Kafe Antzokia Martxan

2009-01-15T23:55:00.000-08:00

Kafe Antzokia aretoari ateak itxi dizkiote denboraldi baterako, ala ere kafeantzokia.com online zabalik segitzen du, aurpegi berriarekin gainera.

Oraindik SEO eta SMO ukitu batzuk falta zaizkio (adib.: snippeta egokitu, egiturari sakontasuna eman, semantika gehitu, eta edukiak partekatzeko erreztasunak gehitzea...). Baina zihur naiz laister web gune berria edukiz joziko dutela, eta Kafe Antzokiko lagunek antolatzen dituzten ekintzak internet bidez errez zabaldu eta kafeantzokia.comeko bisita kopurua handituko dutela arazorik gabe.

Lan pixkat eginez, interneteko bisita kopurua handitzeko ez dute arazorik izango, baina Kafe Antzokiko kontzertuetan jende kopurua handitzeko oztopoak badituzte, eta hauek gainditzeko adierazpanen hontan parte hartuz lagundu daiteke. Ea lortzen dugun!

Euskal Google Zeitgeist

2008-12-19T09:44:00.000-08:00

Orain dela 2 urte Euskal Google Zeitgeist baten beharra botatzen nuen faltan. Eta oraindik faltan botatzen dut.

Google Zeitgeist 2008 laburpenean Serie, Blogs, Sporty eta Miniters sailkapenak bildu dituzte eta euskarazko hitzen sailkapena ikustea asko gustatuko litzaidake.

Googlen euskarazko blogik ez dagoenez, gaur Blog oficial de Googlen Comunicate con Google postean hori komunikatu diet iruzkin baten bidez.

Hau irakurtzen duzuenok, Euskal Google Zeitgeist Olentzeroko opari bezela nahi baduzue, ez daitela Google zuen "gutuna" jaso gabe gelditu :)

SEO mugikorra

2008-12-15T05:23:00.000-08:00

Oraindik aldaketak ikusgai ez dauden arren, egun hauetan SEO SEM zerbitzuak eskeintzen ditudan web gunearen (ageri.net) diseinua berritzen ari naiz.

Gaur ikusten den eduki eta diseinua 2006tik aldatu gabe dago, AGERI pixkat alde batera utzita izan bait dut Madrilen lanean ibili naizen tartean.

Web gunearen eduki guztia mugikorretan irisgarri izatea beharrezkoa da gaur egungo web gune batean eta ready.mobi tresna erabiltzen ari naiz akatzak aurkitzeko.

Google Zeitgeist 2008

2008-12-10T06:08:00.000-08:00

Urtero bezela, Google bilatzailean gehien bilatu diren hitzen zerrenda publikatu da Google Zeitgeist 2008 deituriko orrian. Urtean gertatu denaren ideia bat egiteko balio dute atalka eta estatuka sailkatutako zerrenda hauek.

Antzeko sailkapen bat daukagu Euskal Herrian zortzi2008 deiturikoa. Kasu honetan, gendeak proposatu eta bozkatu egiten ditu 2008 urtean zehar interneten Euskaraz sortu diren gune interesgarriak, azkenean sailkapen bat eraikitzen delarik.

Ricardo Baeza Yates Zamudion

2008-12-03T14:16:00.000-08:00

Datorren Abenduaren 11an, Ricardo Baeza Yates izango da nire etxetik hurbil, Zamudion hitzaldi bi emango bait ditu. Bata “El Poder de la Búsqueda en Internet” eta bestea “Web 2.0: la Sabiduría de la gente”

Ni han izango naiz eta gero blog honetan komentatzeko gauza interesagarriak entzutea espero dut :)

Mikel Laboa

2008-12-01T03:14:00.000-08:00

Mikel Laboaren abeztiek alaitu naute hainbat aldiz. Gaur, Mikelen heriotzak tristura handia eragin dit.

Beti arte Mikel.

Googlen snippet bereziak YouTube eta Wikipediarentzako

2008-11-29T11:06:00.000-08:00

Bereziak dira YouTube edo Wikipedia bilaketak Googlen egitean erakusten zaizkigun lehen "snippet"-ak. Behintzat nik gaur arte ez nuen ikusi Googletik zuzenean Youtuben edo Wikipedian bilatzeko aukera.

Egia esan snippet berri hau, bilatu nahi dugun informazioa bilatzeko bidea laburtzeko ondo dator.

Hau ikusita, ondo egongo litzateke hegaldiak saltzen dituen konpainia baten izena sartzean ere, erosi nahi dugun hegaldiaren datuak sartzeko aukerak zuzenean erakustea: irteera tokia , helmuga, hegaldiaren data eta bidairari kopurua sartuz Googletik gure bilaketaren emaitzetara bidaliko liguke.

Azken finean, hainbat gende hegaldi konpainiaren izena helbide barran jarri beharrean, Googlen bilatu eta lehen emaitzari sakatuz joaten bait da hegaldiaren bilaketa egitera.

SEO eta SWO

2008-11-28T07:05:00.000-08:00

SWO, Semantic Web Optimization gaiez aritzeko erabiltzen zen baina hile honen 20tik, Google Search Wiki ingelesko bilatzailean logeatutako erabiltzaileei SERPak aldatzeko ematen zaien gaitasunak SEO munduari eragingo dio. SWO orain Search Wiki Optimization ere izango da :)

Search Wiki buruzko informazio gehiago.

Googlek SEO hasiberrientzako ematen dituen aholkuak

2008-11-17T08:29:00.000-08:00

Googlek gure web orriak ongi indexatu ahal izateko, web guneak diseinatzeko orduan bete behar ditugun oinarrizko neurri batzuk zehazten dizkigu pasa den asten argitaratutako mezu baten bidez. Testua euskaraz itzuli eta blog honetan argitaratzeko asmoa nuen, baina ordurarte denbora askotxo igaro daitekenez, oraingoz pdfa jaisteko lotura usten dizuet.

SEO lan bila Euskal Herrian

2008-11-04T09:10:00.000-08:00

Gaur arte, Madrilgo turismo enpresa batentzako SEO sailean egiten nuen lan. Madrilen hasi, baina urte baten ondoren Euskal Herritik lan egitea eskatu eta onartu zidaten. Txarto ulertu baten ondorioz bota naute gaur, eta oraindik erratu egin direla ez dakiten arren, egunen batean (ez oso berandu) konturatuko direla zihur naiz.

Orain posible bada, Euskal Herriko enpresa baten lana aurkitzen saiatuko naiz, baina ez nago zihur errez aurkituko dudan ikusi ditudan SEO lan eskaintzak Bartzelona eta Madrilerako direlako.

Berpiztu da Telendro originala!

2008-10-31T09:09:00.000-07:00

Hau bai berri ona! gurekin dea berriz ere SEO mundua erakargarria egiten dakien maisua. Egun batzuk arinago hil egin zela nioen hosting gabe geratu bait zela ikusi bait nuen, baina atzotik Telendro berriz bueltan da. Aupa telendro.com.es!

Google España-ko presidentearen hitzaldia

2008-10-30T09:07:00.000-07:00

Pasa den Urriaren 28an Bartzelonako OMEk antolotutako kongresuan Google España-ko presidenteak eman zuen hitzaldi bat, ezin izan nintzen Barztelonara gerturatu hura entzutera baina zorionez interneten jarri dute hitzaldiaren grabazioa eta gaur entzun ahal izan dut eta gomendagarria dela iruditu zait batez ere galderen tarteko azken gaia, SEO munduari bait dagokio :)

Hil da jainkoa

2008-10-26T09:11:00.000-07:00

SEO mundua ezagutzen hasi nitzenean, bi webgune bisitatzen nituen egunero. Bat Google zen eta bestea http://eltelendro.blogspot.com/.

Azken hau http://telendro.com.es domeinuan izan zuen jarraipena, eta orain dela asko berririk publikatu gabe egon arren egunen batean itzuliko zen esperantza neukan. Gaur aldiz, badirudi betirako galdu dugula hainbeste barre eragin eta SEO lezio eman dizkigun web lekua.

Google & Beers - Bilbao

2008-09-21T09:13:00.000-07:00

Blogs & Beers topaketak asko zabaldu dira munduan, Euskal Herrian egin dira hainbat eta egia esan oso ondo egoten dira topaketa hauek. Interneten ezagutzen dugun jendeari aurpegia jartzen diozo, eta antzeko jankinahiak trukatzeko balio dute.

Nola nik SEO eta Google asko bizi ditudan, gustatuko litzaidake ingurukoekin topo egin eta ezagutzak eta esperientziak kontatu. SEO topaketa batetan 4 baino askoz geihagoi ez dut uste elkartuko ginatekenik, baina zenbat Google-n jarraitzaile ote dago?

ikusi al duzue G1 telefono berria?

apuntatuko zinateke? no gustatuko litzaizuke izatea?

Googlen SEO tresna berria

2008-08-19T09:16:00.000-07:00

Oraindik aurrera webmaster eta SEO lanetan aritzen garenok badaukagu jendeak egiten dituen bilaketen berri zateko modu berri bat Googlei esker.

Egia esan ikusgarria iruditu zait tresna honen itxura baina, baina gehiago gustatzen zait bilaketen kopuru zehatza ematen duen beste tresna hau.

Google & Beers - Bilbao

2008-05-21T09:13:00.000-07:00

Firefox erabiltzeko beste arrazoi bat

2008-04-02T09:12:00.000-07:00

Firefox erabiltzen dut beti, arrazoi askorengatik baina batez ere SEO plugin edo tresnak diseinatzen direlako nabigatzaile honetarako eta ez beste batzuentzako.

Topatu dudan azken SEO tresna hau pilo bat gustatu zait, oso erabilgarria da eta aukera anitz ematen ditu zure webgunearen posizionamenduaren gorabeherak kontrolatu ahal izateko.

Rank Checker deitzen da tresna eta edozein SEOrentzako ezibesteko tresna dela iruditzen zait.

Hitzik bilatuena edo gareztiena Googlen

2008-02-01T09:08:00.000-08:00

Egia esango dizuet, SEO lanetan ibiltzen naizen arren ez dut euskaraz SEO lan handirik egin. "Euskaltegi" hitza izan da landu dudan bilaketa bakarra. Googlek ez ditu euskarazko hitzen datuak ematen, behintzat Google Trends erabili dut eta ez dut hitz baka baten daturik aurkitu eta Google Adwordseko Trafiko estimazioak egiteko tresnarekin ere ez dut hitz bakar baten daturik aurkitu.

Zuetariko baten batek euskarazko Adwords kanpainak egiten dituela imaginatzen dut eta aurkitu duzuen hitzik gareztiena zein izan den esatea asko gustatuko litzaidake. Baita Google Trendsen agertzen den hitzik aurkitu baduzue.

Elebila

2007-10-20T08:39:00.000-07:00

Elebila du izena azken euskal biltazaileak badirudi aukera gutxi ematen duela sortutako webguneak baina probatzera gonbidatzen zaituztet eta zuen iritsiak ematera.

Elebilan posionamendu lehiaketa bat antoilatzea ere ondo egongo litzateke. Nik behintzat egingo ditut nere frogak nola posionatzen duen aztertzeko. Microsoften laguntzarik eduki dutela dirudi baina ez dakit zein moduan izan dezakeen Live biltzaileak Elebila biltzailean.

Google Shared Stuff (web orriak elkartrukatzeko)

2007-09-24T08:42:00.000-07:00

Euskal SEO Google Shared Stuff contiene un enlace de gran ayuda para todos los que no entienden lo que escribo cuando lo hago en euskera. A ver si alguno, se apunta al euskaltegi y practica haciendo comentarios en este blog.

Euskal SEO bilatzailea

2007-09-07T09:05:00.000-07:00

Euskal SEO bilatzailea sortu berri dut, bertan SEO munduari buruzko informazioa bildu nahi dut eta Google Coop erabiliz egin dudanez zuen kolaborazioa benetan ondo etorriko litzateke, beraz ez zaitezte lotsatu zuen gustoko SEO web guneak proposatzeko.

Nik sortutako bilatzailea SEO teknikak hizpide dituzten webguneak biltzen ditu, baina zuk, zure gustoko gaiari buruzko bilatzailea sor zenezake nahi izanez gero, oso sinplea bait da norberaren bilatzailea sortzea Google Coop erabiliz.

Technorati Profile

Euskal SEO bilatzailea

2007-09-07T07:29:00.000-07:00

Google earth 4.2 - Google sky

2007-08-22T08:41:00.000-07:00

Google earth 4.2 atera dute espazioa ikusteko ahalmenarekin, Google Sky deituriko aukerarekin. Ez dut oraindik Google earth berrihau probatu baina gaur bertan atera dutela entzun dut eta nik aurrerago Google earth 2007 ri buruzko mezu barregarri bat idatzia nuela gogoratu dut. Gaur berriz ikusteko gogoa etorri zait eta barrezka nago oraindik.

SEO tresna baliagarria euskaraz

2007-08-06T09:02:00.000-07:00

Asko poztu naiz gaur SEO lanetan laguntzen duen tresna euskaldun bat aurkitu dudalako. Agian, zuek ezagutzen zenuten aurretik, baina nik oraintxe bertan topatu dut.

Gusturago egiten dut lan euskaraz eta tresna hau momentuan gehitu dut nire gustukoen loturetara.

Web oinez

2007-07-13T08:47:00.000-07:00

Zure web gunea norekin loturik dagoen, bai kanpora doazen loturak bai zure web gunera dozaenak jakiteko tresna grafiko eta argi batekin topo egin dut eta zuek ere proba dezsazuen hemen uste dizuet lotura: http://walk2web.com

Google Unibertsala

2007-05-17T08:30:00.000-07:00

Google Unibertsala edo Google "Universal" aurkeztu dute gaur Googlekoek. google.us hunean bakarrik omen da "Unibertsala" oraingoz, eta bistara zenbait berrikuntza ekartzeaz gain algoritmoan ere aldaketak izango direla dirudi emaitzak aurkezteko modua zeharo aldatu bait diateke.

Web posizionamendua, adartu egiten ari dela dirudi, eta orain blog posizionamenduak ere garrantzia lortuko du, baita ekitaldien posizionamenduak edo bideoen posizionamenduak...

Ala ere ikusteko dago Google blog bilatzailea, web bilatzailea bezain ona den, oraingoz Technorati nahiago bait dut.

Egia esan, Exalead biltzailearen antz handia ikusten diot orain Googlei.

Web gunearen indarra

2007-04-11T08:35:00.000-07:00

Web gunearen indarra neurtzeko modu bat aurkitu dut. Tresna honi esker gure web guneak dituen loturak zenbatu ditzakegu, bai technorati, yahoo, delicious, dmoz eta beste zerbitzu batzuk kotutan hartuz.

Lagungarria da web gunearen indarra neurtzeko, faltan dauden loturak aurkitzeko erabili daitekeelako.

GEOposizionamendua

2007-03-23T09:00:00.000-07:00

Asko dagoeneko konturatuko zineten, Googlen gaztelaniaz bilaketa lokal bat egiterakoan paginasamarillas.es-eko informazioaz baliatzen den mapa eta negozio batzuk agertzen direla. Orain ez dago emaitza naturalik scrollarekin orrian behera ez bagoaz. Sergey eta Larryren inbentua hirugarren maila batera jaitsi da Googleren rankingean.

1. Google babezleen estekak (Adwords iragarkiak)
2. Google Local (Paginasamarillas iragarkiak)
3. Emaitza naturalak

Adwords iragarkietan lehen postuan agertzeko CPC eta hitzekin jolastu behar da, baina Google localean egoteko badirudi zure negozioa geografikoki kokatuta non dagoen eraginik duela. Hau da, zure inguruan antzeko negozio asko badaude zurea garrantzitsuagoa izango da.

Ez nago guztiz ziur azken hontaz, baina horrela izango balitz Google bulegoen salmentan eragina izaten hasiko zen.

SEO, SEO beltza, SEO grisa eta SEO zuria

2007-03-20T09:03:00.000-07:00

Dirua irabazten dut Googlen posizio onak lortzen ditudanean, SEO (Search Engine Optimization) bezela ezagutzen da lanbide hau eta sekulako eskaera izaten ari da gaur egun. Arrazoia, Googleko lehen postuan egoteak interneten negozio bat errentagarria izateko duen garrantziak.

Horregatik, lanbidea SEO deitzen bada ere hiru alde nabarmentzen dira:

SEO zuria: Bilatzaileak gomendatutako teknikak erabiliz, bilatzaileari erreztasunak jartzea web orri jakin bateko informazioa, bilaketa jakin batentzako garrantzitsuena dela jakinarazteko.

SEO beltza: Bilatzaileak debekatutako teknikak erabiliz, bilatzaileari erreztasunak jartzea web orri jakin bateko informazioa, bilaketa jakin batentzako garrantzitsuena dela jakinarazteko.

SEO grisa: Bilatzaileak gomendatutako eta debekatutako teknikak ez dira batere zehatzak, limitean jolastuz bilatzaileari erreztasunak jartzea web orri jakin bateko informazioa, bilaketa jakin batentzako garrantzitsuena dela jakinarazteko.

SEO beltz asko egon da beti interneten, ala ere gero eta SEO zuri gehiago dago egunetik egunera epe luzera emaitza hobeak lortzen direla ikusi delako.

Egiten dudanaz harro egoteko, SEO zuri teknikak erabiltzea nahiago izan dut beti, ala ere, lelo aurpegiarekin geratzen naiz SEO beltz teknikak erabilitako web gune bat Googleko lehen postuetan ikusten dudan bakoitzean.

SGAE = fascistas

2007-02-22T08:46:00.000-08:00

Gaztelaniaz titulatu dut mezu hau, eta agian arazoren bat ekar diezadake, Julio Alonsori gertatu zaion bezela:

"ladrones" Googlen bilatzerakoan, "SGAE = ladrones" titulua duen merodeando.com-eko mezu bat agertzen da, eta orain SGAE eta Julioren abokatuen eskuetan dagoen arazo bat bihurtu da mezu hau.

Ez dut uste "fascistas" bilatzerakoan nik idatzitako mezu hau Googleko lehen orrian inoiz agertuko denik, baina gertatuko balitz, abokatu baten beharra izango duen hurrengoa ni izango nintzatekeela uste dut... eta dena nere iritzia emateagatik. Nik ezin diot inori galerazi mezu honetara "fascistas" dioen lotura jartzea beraz, egunen batean gerta daiteke burofax bat niri heltzea. :)

2007-02-22T08:44:00.000-08:00

maltzurra izan edo maltzurra ez izan

2007-02-08T08:25:00.000-08:00

Telendron errata bat daukan iragarkia aurkitu dut. Hona hemen zuzenduta:

Goombing

2007-02-01T08:33:00.000-08:00

Goombing, oraintxe okurritu zaidan izena da. Google Bombingik egin ahal ez izateko Googlek bere algoritmoa hobetu du, horrela orain SGAE ez da agertzen lehen tokian "ladrones" bilatzerakoan. Antzeko beste bilaketa batzuk probatzera joan naiz eta capullo aurkitu dut. Ez da Google Bombing bat, baina antzekoa denez Goombing izena jarri berri diot.

Goombing: Bilaketa iraingarri bat egitean, Googleko lehen tokian pertsona edo erakunde bati buruzko animazioa posizionatzea.

Wikiseek = Wikipedia + Google

2007-01-23T08:36:00.000-08:00

Wikiseek izenarekin jaio da Wikipedian bilaketak egiteko tresna berria. Wikiseek bilatzaileak Wikipediako edukiak zerrendatzen ditu lehenengo posizioetan Searchme erabiliz eta ondorengo eta albokoak beste domeinu batzuetako emaitzak dira Google bilatzaileari esker lortuak eta dirua lortzeko Google AdSense erabiltzen da.

Beste aldetik, Wikiasari P2P oinarri bezala buen bilatzailea sortzeko projektua aurrera doa. Wikiasari denon ekarpenak kontutan izanez sortuko da, Wikipedia estiloan, eta hasteko bilatzaileari izen bat jartzeko aukeraketan parte hartuz lagundu dezakezu.

DMOZ badoa

2007-01-17T08:24:00.000-08:00

Uste dut egundoko berria dela! DMOZ aurkibidea badago berriz martxan eta dagoeneko has zaitezke zure web gune berriak dagokien atalean sailkatzen.

Badaukat tarte baterako lana :)

Google Earth 2007

2007-01-12T08:48:00.000-08:00

Google Earth geobilatzailearen azkenengo bertsioa lortu duen batek, erabiltzerakoan grabatutakoa erakusten digu:

Exalead euskaraz

2007-01-09T08:37:00.000-08:00

Exalead bilatzailea erabiltzen dut gero eta gehiago, batez ere musika bilatzailea gustatzen zait zuzenean aurkezten bait dizu entzun nahi duzun artistaren mp3 edo audio fitxategi bat, bilatzaile multimedia da beraz Exalead. Euskaraz ez izatea pena bat iruditu zaidanez, "feedback" bat bidali diet, Exalead euskaraz izateko eskaera kontutan har dezaten. Alde bozkatzen dugunok enbat eta gehiago izan, Exalead euskaraz izateko aukera gehiago izango dugulakoan, Exalead bilatzailea eukaraz izatearen aldeko botua ematera gonbidatzen zaituzte denoi "just do it" botoia sakatuz.

Ea lortzen dugun!

Aupa DMOZ

2006-12-19T07:41:00.000-08:00

Badirudi bueltan dela DMOZ, oraindik helbideak bidali ezin diren arren, editoreak jadanik sar daitezke beraien kontrol atalean. Ea editoreak zintzoak diren, eta DMOZ-ek behar duen garrantzia berreskuratzen duen. Edonork atal bat administratzeko aukera izatearen ideia gustatzen zait, baina onartu behar dut oso prozesu geldoa dela erabiltzen dena, eta batzutan editoreek beren atalean duten botereaz aprobetxatu izan direla.

Egiaztapen eguna Googlen

2006-12-15T07:50:00.000-08:00

Ez dakit zergatik, ezta denoi gertatu zaien ere, baina orain dela minutu batzuk sitemaps estatistikak aztertzera nihoala, hainbat webgune "pendiente de validación" nituela ikusi dut.

Minutu bat geroago aldiz, webgune guztiak neuzkan "pendiente de validación", eta web gune guztiak egiaztatzen ibili behar izan naiz.

Googlen izandako akatzen bat izango zela uste dut, horrelakorik gertatuko zelako berririk ez dutelako eman, beraz sarri gertatuko ez den zerbait izatea espero dut.

Gunemapak.org

2006-11-20T06:58:00.000-08:00

Google, Yahoo eta Live bilatzaileek sitemaps 0.9 protokoloa onartuko dute oraindik aurrera. Googlek lehenik ere erabiltzen zuen protokolo honen bidez, XML fitxategi bakar baten bidez, hiru biltzaileei informatu ahal izango diegu gure web gunea osotzen duten orrien zenbait daturi buruz:

Web orria noiz izan da eguneratua
Web orria noizero eguratzen den
Eta nolako garrantzia duen web orri horrek web guneko beste web orriekin konparatuz

Eskerrak adoz jarri diren kontu hontan, erotzekoa izango bait litzateke bilatzaile bakoitzak protokolo ezberdin bat erabiltzera derrigortuko bagintu. :)

Protokolo honi buruzko informazioa eskeintzeko sitemaps.org web gunea sortu dute.

Googlek baneatutako domeinuak

2006-11-15T07:39:00.000-08:00

SEO praktika ez egokiak erabiltzeagatik Googlek domeinuak baneatzen ditu, eta ondorioz domeinu hauek ez dira Googleko emaitzetan agertzen.

Domeinu bat erosterakoan, ez litzaizuke gustatuko Googlek domeinu hori baneatuta daukan aurrez jakitea?

Domeinu baneatu bat erregistratuz gero, hilabete bat inguru pasako da web gunea indexatuta eduki arte:

. Domeinua baneatua dagoela somatu arte aste bat gutxienez pasako da.
. Berargitarapena eskatu beharko duzu eta eguneraketaren zain beste hamar egun inguru itxoin ditzakezu.

Zer uste duzue zuek?

Google "Local Business Center"

2006-11-07T07:02:00.000-08:00

Local Business Center deitzen da Googlek eskeintzen duen espainiar estatuko enpresentzako azken zerbitzua bai Googlen bai Google Mapsen gure enpresa aurkitu ahal izateko. Ala ere erregistroa ez da automatikoa, ezta telematikoa ere, ohiko posta bidez egiten omen da eta 2 aste barru iritsiko zaidan gutun baten zain nago orain, dirudienez hor bait datoz segitu behar diren hurrengo pausuak.

Lehen "Google Maps"en agertzeko "Páginas Amarillas"i ordaindu behar zitzaiola ikusirik, ondo dator aldaketa hau, orain dohainik bait da erregistroa.

Internautak

2006-10-24T07:55:00.000-07:00

Bizkaian azken hiruilabetean internauta gazteen kopurua gutxitu bazen ere oraingoan gora egin duela dirudi, gainera Araban internet erabiltzaile kopurua asko egin du gora da eta Euskal Herrian orokorreaan internet erabiltzaileak ugarituz doazela dirudi. Hori da behintzat Eustatek dioena.

Gainera internauta euskaldunak gero eta gehiago dira eta lehen Euskal Herrian,ingelesa bazen interneten erabiltzen zen bigarren hizkuntza, orain euskara da.

Google CPA

2006-10-19T06:59:00.000-07:00

Googlek laister CPA (cost per action) kanpainak eskeiniko ditu bere AdSense zerbitzuaren barnean. Publizitate kanpaina hauek oso erangikorrak izan daitezke iragarleentzat kasu honetan, norberak aukeratutako akzio baten truke ordainduko bait du. Orain arte, Googlek gure webgunera zioan klik bakoitzagatik kobratzen zuen eta honela klik iruzurrak ugariak izaten ari dira. Publizitate mota honek arrakasta izango duela ematen dit, ea laister erabil eta froga dezakegun.

CPA kanpainak gainera, webmasterrei webgunean aterako diren iragarkiak aukeratzeko modua eskeiniko die, eta ez orain gertatzen den moduan, non iragarkiak Googlek automatikoki aukeratzen dituen webmasterraren baieztapenik gabe.

Google Tube

2006-10-10T08:07:00.000-07:00

Toki guztietan agertu da berria: "Googlek YouTube erosi du", eta lehen YouTubek bisitari asko bazituen, azken orduetako berrien eraginez, bikoiztera heltzeko gutxi faltako zitzaiola uste dut.

Erosketa bikaina Googlek egin duena, ez dakit nola Microsoftek (You Tube erostekotan egon zen lehenago)aukera pasatzen utzi zuen baina etorkizuneko erosketa zen YouTube, eroslea nor izango zein nengoen. Toki askotan banda zabalerak interneten bideoak zuzenean ikusteko abiadura onartzen duen momentuan heldu da erosketa, eta bloggerren erosketa momentu onean egin bazen oraingoan aukeratutako momentua ere oso ona da.

YouTubek oraingoz galerak ematen dituela esaten bada ere ikusteko dago zer gertatuko den Googlen eskuetara pasatzen denetik aurrera.

Google Web Fundamentals 2006

2006-10-03T08:05:00.000-07:00

Momentu hontan (18:12) Vinton Cerf (Googleko goi arduradun bat) ari da Web Fundamentals 2006an (Oviedo) hitzegiten eta bideoz zuzenean segitu daitezke bai mahai inguru hau eta baita beste hitzaldiak. Oso Oso Interesgarria!

Euskalseo.eus

2006-10-03T07:53:00.000-07:00

Badirudi zerbait mugitzen ari dela .eus domeinua eskuratzeko posibilitatea izateko. Ni mugimendu horretara gehitzen naiz, euskalseo.eus domeinua lortu nahiko nuke. Eta gainera, .berlin, .tokyo, .nyc eta .london bezelako domeinuak ere eskatzen ari direla jaikinik. Nola geratuko gara ba euskaldunok gure domeinua gabe?

.eus domeinua erosteko, gutxiengo jende kopuru bat egotea beharrezkoa bada, zihur naiz Euskal Herrian, asko erosiko direla.

Oraingoz, aurre-erregistroa martxan jartzea ondo egongo litzateke, zenbat eskaera dauden jakiteko!

Bilatzailearen jabea

2006-08-03T08:03:00.000-07:00

Googlen jabea zu izango bazina nola hobetuko zenuke? nola funtzionatzen du Google eta zer egin daiteke emaitzak ordenatzeko?

Sphider dohaineko bilatzaile bat da, ez dauka Googlek duen konplexutasuna baina bilatzaile bat barrutik nolakoa den ikusi nahi baduzu oso ondo dago.

Zure zerbitzarian instalatu behar izan gabe probatu dezakezu nola funtzionatzen duen.

Administratu ahal izateko hauek dira behar izango dituzun datuak:

http://buscador.freehostia.com/admin/admin.php
erabiltzailea: admin
pasahitza: buscador

bilatzailearen helbidea:

http://buscador.freehostia.com/search.php

Ondo pasa! jostailu bikaina da!

Spam bilbotarra

2006-07-19T07:58:00.000-07:00

Harrigarria iruditzen zait http://www.underlink.net enpresak bere webgunea posizionatzeko erabilitako teknika bilatzaileek zigortu ez izana orain arte.

Web gune horren beheko aldera bazoazte, ikusi zer topatuko duzuen:

MSN eta YAHOO bilatzaileetan lehen orrian agertzen da "publicidad bilbao" edo "diseño bilbao" bilatzerakoan eta Google bilatzailean bigarren orrian.

Bilatzaileek spamaren aurka borrokatzeko lan asko egiten dutela irakurtzen eta esaten badidate ere ezin dut ulertu honelako teknikak detektatzeko gai ez izatea.

Web posizionamendua telefonoan

2006-07-06T07:45:00.000-07:00

Gero eta jende gehiagok telefono mugikorra erabiltzen du interneten ibiltzeko. Telefono mugikorra erabiliz interneten informazioa bilatzen dutenak beraz, gehiago dira.

Gure web gunea telefono mugikorretan ondo ikusten ez bada, gutxirako balioko du Googlen lehen postuan egotea, bisitaria web gunera sartu bezain laster informazioa lortzeko zailtasunak ikusten dituenean atzera joko bait du beste web gune erabilerrazago baten bila.

Web guneak telefono mugikorretara moldatzeko gida bat aurkeztu berri da eta ondo etorriko zaigu etorkizunerako aholku hauek segitzea, telefono mugikorretako internet heldu delako.

Interneteko erraldoien tranpak

2006-06-07T08:15:00.000-07:00

Blog honetako azken mezua irakurri baduzue, badakizue Google, Yahoo! edo MSNko lehen postuetan agertzeko SEO teknika ez etikoak erabiltzen dituzten web guneak ikustea, zein urduri jartzen nauen.

Spam salaketak egin daitezkela kontatzen dizuet mezu horretan, baina egia esan, ez dute eragin handirik izaten "spam report" horiek, eta batez ere diru asko mugitzen duten enpresen web guneen kontra doazenean.

Behintzat, kexa hori nonbait publikatzeko aukera ematen digute http://www.bigblackhatseo.com blogean, eta dagoeneko ikus daitezke beste batzuen artean edreams.es edo nh-hotels.com erabilitako seo teknika zikinak zeintzuk diren.

Spam salaketak

2006-05-15T08:00:00.000-07:00

SEO munduan dauden askok, tranpak egitea dute gogoko eta gainera lan horregatik kobratu ere egiten dute.

Enpresa gehienek ez dute jakiten kontratutako SEO enpresak erabiltzen dituzten teknikak zeintzuk diren.

Tranpa egiteak arrisku handia ekar diezaioke webguneari. Norbaitek erabilitako teknika ez baimendua salatzen badu, bilatzailetik kanpo denbora luzean egotea ekar bait dezake.

Hauek dira Google, Yahoo eta MSN bilatzaileek, spam egin dela salatzeko eskuragarri dituzten web orriak:

Spam salaketa Google-n

Spam salaketa Yahoo-n

Spam salaketa MSN-n

Spam adibide jartzeko, gaur aurkitu dudan bat erakutsiko dizuet:

einnova.es web diseinu enpresak hainbat web guneetan sartu ditu esteka izkutuak. Yahoo erabiliz link:http://www.bilanx.es bilaketa egin dut eta agertzen diren web guneen kodea ikustean ohartu naiz nola bilanx.es web gunera doazen esteka guztiak izkutaturik dituzten horietako 8 web gunek.

Ez dakit zenbat denbora beharko duten bilatzaileetako arduradunek web gune hauek bilatzailetik kentzeko edo horien arduradunei egindakoa konpon dezaten agintzeko, baina hau da kexatzeko daukagun modu bakarra.

Google Trends

2006-05-11T07:52:00.000-07:00

Google erabiltzerakoan jendeak dituen joerak aztertzeko tresna Google Trends. Honela, hitzen arteko konparazioak egin, eta jendeak Googlen nola bilatzen duen jakin dezakezu.

Adibidez, "gipuzkoa" edo "guipuzcoa" da jendeak gehien erabiltzen duen idazteko modua Google erabiliz bilatzerakoan? eta Donostiarrek zein erabiltzen dute gehiago? eta gipuzkoan? eta bizkaian? eta udan? eta neguan? Informazio guzti hori eskuratu dezakegu oraindik aurrera.

Grafikoaren arabera, udan "guipuzcoa" bilatzen dutenen eta "gipuzkoa" bilatzen dutenen arteko aldean handitu egiten da, neguan aldiz nahiko parean daude biak.

Zihur naiz asko erabiliko dudan tresna dela Google trends hau.

Yahoo mindset

2006-05-10T07:46:00.000-07:00

Bilatzaileak batzutan informazioa lortzeko eta beste batzutan zerbitzu bat kontratatzeko edo produkturen bat erosteko erabiltzen dugula oharturik, Yahook, Mindset deritzon bilatzailearekin frogak egiten dabil.

Yahoo Mindset erabiliz, zuk aukeratzen duzu zeintzuk izango diren aurkeztutako emaitzak.

Adibidez: "web design" bilatzen duen batek agian web diseinuan ari den enpresa bat kontratatu nahi du edo agian web diseinuari buruzko informazio bila dabil. Ingelesezko adibidea ipini dut euskeraz ez duelako desberdintzen oraindik "erosketan"(shopping) ala " informazio bilaketan" (researching) oinarriturik dauden web guneak.

Quaero vs Google: 0 - 1

2006-04-12T07:05:00.000-07:00

Quaero bilatzailea dagoeneko interneten egon beharko litzateke. Ez da horrela eta ez da izango, Quaero Exalead izango delako.

Gainera, aurkeztuko zituen hobekuntzak Apirilerako egongo zirela esaten zen, eta badirudi alemaniako azken hauteskundeek izandako eraginak, atzeratu egingo dutela.

Oraingoz, Exalead ez dago euskaraz erabiltzeko modurik, hobekuntzak sartzen direnean ere ez dakit posible izango den. Aldiz txineraz eta japonieraz erabil daiteke bilatzailea, badirudi hizkuntza ez horren zabalduak kalteturik irtengo direla bilatzaile asmo honetatik, baina oraindik irteteko dagoenez badut itxaropenik, Europearren erreferentzi biltzailea izan nahi badu, hizkuntzek daukaten garrantzia kontuan hartzea derrigorrezkoa bait da.

2006-04-12T07:03:00.000-07:00

Euskal web Ranking

2006-03-30T08:13:00.000-08:00

Cybereuskadin euskal web guneen ranking bat erakusten duen web orri bat sortu dute. Alexak ematen dituen datuen araberako posizionamendua dira bere emaitzak eta azken 10 gorakada eta beherakada nagusiak ere ikusi daitzeke.

Ala ere, euskal SEO bloga 1884 posizioan agertu beharko litzateke eta ez da agertzen.

Google Estatu Batuetan

2006-03-29T07:56:00.000-08:00

Googlen erabilera Euskal Herrian %90 etik hurbil dago inkesten arabera. Estatu batuetan aldiz, Google Yahoo eta MSNren arteko aldea ez da horren handia.

Ala ere badirudi, pixkanaka pixkanaka Estatu Batuetan ere Google bere lidergoa gero eta nabariagoa egiten ari dela. Eta bide beretik segituko duela dirudi burtsako 500 enpresarik garrantzitsuenen artean sartu delako eta horrek bere akzioen balioa gora egitea ekarri bait du.

Google hasi eta hasi ari da, Quaero noiz aterako den zain nago, exalead.com bilatzaileak ematen dituen emaitzak begiratzen ditut noiz behinka Quaero irtetzen denean Quaeron posizionamendu hori izango dudala uste bait dut.

SEO tresnak

2006-03-21T08:08:00.000-08:00

Posizionamendu on bat edukitezo, hitzak ondo aukeratzearen garrantzia askotan aipatu dugu blog honetan. Hona hemen Googlen egiten den hitzen erabilera aztertzeko SEO tresna:

Google historia

2006-03-06T07:51:00.000-08:00

Orain, Google erabiliz egin dituzun bilaketen historia gorde eta ikusteko aukera daukazu.

Honi esker, Google erabiliz egin dituzun bilaketa eta kliken arabera emaitza pertsonalizatuak aurkeztuko zaizkizu.

Gainera egin dituzun bilaketak ikusi ahal izango dituzu, behin aurkitu baina orain aurkitu ezin duzun hori zure Google Historial web gunean ikusi ahal izango bait duzu.

Google historia honek irudien bilaketak, Frooglen egindakoak edo berrien bilaketak ere gordetzen ditu.

Horrela beraz, Googlek denoi lehenengo orrian emaitza berberak aurkeztu beharrean bakoitzak egindako bilaketen araberako emaitzak aurkeztuko dizkigu.

SEO lanetan aritzen garenok orain arte bagenekien edozer bilatzerakoan erabiltzaileek lehen orrian zer ikusten zuten, baina oraindik aurrera Google pertsonalizatu gabe daukatenen emaitzak besterik ez ditugu jakingo.

Posizionamendurik onena

2006-03-02T07:37:00.000-08:00

Google Sitemaps orain zure web gunea zein hitzetarako zein posizioan dagoen esaten dizu. Hau da, posiziorik onenak ematen dizkizuten hitzen berri ematen dizu.

Oso erabilgarria dela uste dut, orain arte bakarrik ezagutzen nituen nire web gunera etortzeko bilatu ziren hitzak. Orain aldiz, Googlek esteka aurkeztu, baina erabiltzaileak sakatu ez duenean, zein hitz bilatu duen ere jakin ahal izango dut.

Batzuetan, agertzen den deskribapena egokia ez delako izan daiteke erabiltzaileak esteka sakatu ez izana. Beste batzuetan aldiz, bigarren posiziotik behera egotea izan daiteke arrazoia, lehenengo posizioan agertzen diren estekak izaten bait dira klik gehien eramaten dituzten web guneak.

Black Hat SEO: SEO tranpak

2006-02-20T08:11:00.000-08:00

SEO lanetan aritzean kontuan izan tranpak egiten dituzun, zure web gunearen kalterako izatea gerta daiteke ondorengo tranpak egiten badituzu:

Hitz klabeekin gehiegikeriak

Ziurrenik gehien erabiltzen den tranpa da hau. Webmaster edo SEO batek hitz klabeak bilatzailearentzako soilik pentsaturik jartzen dituenean. Askotan web orrietako beheko aldean jartzen dira tamaina txikiago batean.

Testu izkutua

Atzekaldearen kolore berdina edo noscript erabiliz bilatzaileari zuzendutako hitz klabeak jartzen direnean.

Cloaking

Bisita asko erakar ditzaketen hitzak erabili bilatzailearen robota engainatzeko eta gero beste eduki bat aurkeztu bisitariari.

Ate orriak

Ate orriak domeinu batean sortzen dira bai automatikoki bai eskuz. Ez dute domeinuko web gune originalarekin loturarik baina, behin horra heldu den jendeak domeinuko lehen orria ere ikustea espero da.

Berbideraketak

Ate orriekin batera erabiltzen dira askotan. Ate orriek ez dute izaten informazio erabilgarri askorik izaten eta honela bistaria informazio zehatza daukan orrira zuzenean bidaltzen da.

Web orri bikoiztuak

Lana arintzeko moduan, web orri bat hartu eta bit gutxi batzuk aldatuz horren kopiak egitea beste toki baten garrantzia handitzeko. Bilatzaileek eduki bakarra maite dute eta horrek kalteak ekar ditzake.

SEO tranpa hauek bilatzaileen robotek detektatzea zaila baden ere, konpetentziak ikusten baldin baditu, salatu egin ditzake eta web gunea zigortua izan daiteke. enpresa digitala boletinean esaten dutenez gainera, espainian kontratatu dituzte jadanik tranpa hauek bilatzeko lan egin duten lagunak.

Alexa web statistikak

2006-02-17T08:21:00.000-08:00

Alexa web guneen trafikuaren estistikak publikoki eskaintzen dituen aukereketako bat da.

Alexak eskeintzen dituen estatistikak ala ere oso zehatzak ez direla aitortu beharra dago eta telendron irakurri dudanez gainera, tranpak egin daitezke hurrengo botoi hau zure web gunean jarriz gero:

Dirudienez, Alexa toolbar erabiltzen dutenengatik lortzen du Alexak informazioa baina botoi hori zure web gunean jartzen baduzu Alexa toolbar ez daukatenok egindako bisitak ere zenbatzen omen ditu.

Alexa sailkapenean 4.630.098 posizioan dago web gune hau, mezu hau idatzi dudanean, ea hilebete barru euskal-seo.blogspot.com non dagoen Alexan.

Euskal SEO Teknopolisen

2006-02-14T08:19:00.000-08:00

Igandean emitituko den ETBko Teknopolis saioan Quaero eta web bilatzaileei buruz arituko dira tartetxo batean. Beraz telebistatik ikusi ahal izango nauzue eta baita blog hau ere, elkarrizketatu egin bait ninduten nire ikuspuntua ere interesatzen bait zitzaien saioa egiteko. Hauek dira galderetariko batzuk, agian informazio gutxi ematen dudala irudituko zaio norbaiti, baina hainbeste gauza esateko egonik zaila egin zitzaidan dena laburtzea:

1. Zer da bilatzaile bat?

Informatikan bilatzaile bat, bere edukian hitz edo esaldi jakin bat duten dokumentuak bilatzeko tresna da.

Web bilatzaileen kasuan, bilatzen ditugun hitzen arabera, hitz horiekin erlazionaturik dauden web guneak aurkeztuko dizkigu. Google bezelako bilatzaileen kasuan gainera, web garrantzitsuena lehen posizioan aurkeztuz..

2. Nola funtzionatzen du?

Googlebot izeneko robotak web guneak arakatzen ditu, loturak segituz web gune bakoitzaren orri guztien informazioa bilduz doa eta informazioaren laburpen bat gorde eta sailkatu egiten du datu base batean.

3. Zer garrantzi du bilatzaile estatubatuarra edo europearra izatea?

Mezu elektronikoak idatzi eta informazioaren bilaketa dira interneten egiten diren ekintza nagusiak. Bilatzaileek ordainduzko zerbitzuak ere eskeintzen dituzte lehen orriko posizioetan agertzeagatik eta horrek diru ekarpen handiak ekartzen dizkie biltzailearen jabeei. Google hirugarren enpresa teknologikorik garrantzitsuena bilakatu da Microsoft eta Intelen ondoren eta IBMren aurretik. Europako enpresa ugari iragartzen dira bide honetan eta dirua estatu batuetako enpresa batera joateak, europarrei kexkatzea oso normala da.

4. Teknologia aldetik zailtasun berezirik ba al du bilatzaile batek?

Bilatzaile on bat sortzea oso zaila da. Bilatzaile ugari daude interneten baina diferentzia handiarekin Google izan da bere emaitzen arrakastagatik gehien zabaldu dena . Algoritmoa fintzean dago gakoa, lehenengo posizioan agertu behar den emaitza zein den asmatzea oso zaila da eta honetan datza bilatzaile bat bestea baino hobea izatea ala ez.

5. Zergatik ez da orain arte horrelako proposamenik izan?

Bilatzaile berriak arrakasta lortu nahi badu, bilaketen emaitzak erabiltzaileen gustokoak izatea lortu beharko du. Egon badaude europako bilatzaileak estatu bakoitzean, espainian adibidez Noxtrum bilatzailea sortu zuten orain dela gutxi, ala ere bilaketen emaitzak oso onak ez direnez, ez du arrakasta handirik lortu erabiltzaileen artean orain arte.

6. Zertan datza Googleren arrakasta?

Bizkortasunean eta emaitzen arrakastan oinarritzen da. Jendeak zerbait bilatzen duenean informazio zehatzena ahalik eta azkarren nahi du, eta Googlek hori eskeintzen du.

7. Nola sailkatzen ditu bilatzaileak edukiak?

Page Rank bihotz bezela duen algoritmoaren arabera eta web gunearen jatorria zein hizkuntza kontutan hartuz. Webgunea nongoa den jakin dezake IP helbidea aztertuz eta web orrien kodean edukia zein hizkuntzatan dagoen ikusten du. Gainera gure ordenagailuak duen IP helbidearen arabera Googlek bilatzaile bat edo beste bat aurkeztuko digu, hau da frantziar estatuan kokatuta dauden IP helbideetako erabiltzaileei google.fr helbidera bideratuko zaie automatikoki, hauek izango bait dira zihur aski erabiltzaileari gehien interesatuko zaizkion bilatzailearen emaitzak

8. Nola egiten da eduki bat bilatzailearen lehen emaitzen artean ager dadin?

Algoritmoa ez badakigu ere Googlek zenbait aholku ematen ditu web guneak diseinatzerako orduan:

Eduki eta Diseinurako gida:

* Orri guztietara textu lotura estatiko baten bidez heldu ahal izan behar da.
* Web guneko orri garrantzitsuenetara zuzentzeko web mapa eskeini zure bisitariei.
* Informazioasko eta zehatza daukaten orriak egin itzazu.
* Zihurtatu zaitez bilaketetan erabiliko dituzten hitzak erabiltzen dituzula orri bakoitzean.
* TITLE eta ALT zehatzak erabili itzazu.
* Lotura apurturik ez dagoela eta HTML zuzena dela frogatu.
* Web dinamikoen kasuan parametro labur eta gutxi erabiltzea komeni da.
* Ez itzazu 100 lotura baino gehiago erabili orri berdinean.
* Lynx bezelako nabigatzaile bat erabili, arakatzaile gehienek horrela irakurtzen dituzte orriak.
* robots.txt erabiliz googlebot robotari esan zeintzuk diren arakatu behar dituen web orriak.

Web Gunea prest dagoenean:

* Beste web gune batzuek zurearekin lotzea lor ezazu. Zure sektorekoak badira hobeto.
* Googlera bidali lotura honen bidez http://www.google.es/addurl.html.
* Google Sitemaps (Beta)erabili zure webgunearen estructura zein den Googleri jakinarazteko .
* Bidali zure web gunea DMOZ bezelako atalkako aurkibide batzuetara.

9. Edozein modutan bilatzaileek bilaketaz gain beste eskaintza batzuk ere badituzte, web pozta esaterako...

Bai, Gmail eta Google Earth, Google Analytics, Google Base, Google Musicsearch, Google Video, Google Talk... Google Labs gunean aurkitu daiteke Googlek egin duen eta egiten ari den tresneria. Google Sistema Eragilea sortzeko projektua ere abian dago. Aipatzekoa da Googlek eskeintzen dituen tresna guztiak oso ondo landuak egoten direla, erabilerrazak eta arazo gutxi ematen dituztela. Guzti hau erabiltzaileok dirurik ordaindu gabe, eta honek, jendea Googlek egiten dituen lanen erabiltzaile izaten segitzera bultzatzen du.

10. Quaeroren kasuan Chiracek egin du iragarpena. Ez al da arritzekoa politiko batek egitea iragarpena?

Google hartzen ari den indarra ikusirik ez da harritzekoa, ez da ahaztu behar bilatzaileak direla orain informazioa bilatzeko tokirik erabilienetarikoak eta informazioaren kontrola izatea beti izan da politikarien ardura.

Google big daddy

2006-02-02T07:00:00.000-08:00

Bid Daddy deitzen da Googleren algoritmo berria eta hasi da dagoeneko zabaltzen. Orain bilaketa bat egiten badut emaitza hauek agertzen dira "posizionamendua" Googlen bilatzean:

Aldiz 66.249.93.104, 64.233.179.104 edo 216.239.51.104 hiru zerbitzari hauetariko batean bilatzen badut, Big Daddy algoritmoa datu zentru guztietan zabaltzen denean aurkeztuko dizkidan emaitzak ikusi ditzaket:

Momentu hauek kexka handia sortu ohi dute SEO artean. SEO bakoitzak algoritmo berriak ordurarte egindako web guneetako optimizazio lanak onak izaten segitzen duten ikusi behar dute eta web guneak lehenengo posizioetatik desagertu badira, posizio horietara bueltatzeko lana egin beharko dute. Beste batzuk aldiz algoritmo berriari esker lehen ondo posizionatu ez zituzten web orriak nola gora egin duten ikusiko dute.

Hitzen garrantzia Googlen

2006-01-27T06:54:00.000-08:00

Zure web gunea egitera zoazenean, erabiliko dituzun hitzak ondo aukeratzea da lehenengo pausuetariko bat. Bilatzaileetatik datozen bisitariak lortu nahi badituzu, jendeak asko bilatzen dituen hitzetarako ondo sailkaturik egongo beharko du zure web guneak. Baina zeintzuk dira zure web gunearen gaiarekin loturik dauden gehien erabilitako hitzak Google, Yahoo eta MSN bilatzaileetan espainian? eta estatu batuetan? eta frantziako bilatzaileetako bilaketetan?

Google, Yahoo eta MSN bilatzaileetan egiten diren bilaketak jakiteko tresna honekin guzti hori jakin dezakezu modu arin batean.

Gaztelaniako emaitzetan, ez dakit zergatik, nahastu egiten da pluralean eta singularrean egiten diren emaitzekin eta ez ditu ondo sailkatzen baina ala ere, hitzen aukeraketarako laguntza on bat da tresna hau.